2023 წლის 17 მარტს შოთა მესხიას ზუგდიდის სახელმწიფო უნივერსიტეტში გაიმართა შემაჯამებელი ღონისძიება UNICEF გაეროს ბავშვთა ფონდის პროექტის  „უნივერსიტეტის შესაძლებლობების გაძლიერება ინკლუზიური სკოლამდელი და ზოგადი განათლების მხარდასაჭერად“ ფარგლებში.  პროექტის მიზანს წარმოადგენდა უნივერსიტეტისა და ბავშვის უფლებათა ცენტრის  ინსტიტუციური და აკადემიური პერსონალის გაძლიერება ინკლუზიური განათლების მიმართულებით, ადვოკატირების გაწევა და უნივერსიტეტის მხარდაჭერა, გახდეს ტრენინგის სერვისის მიმწოდებელი ინკლუზიურ განათლებაში. პროექტი ხორციელდებოდა 2022 წლის 1 მარტიდან. ამ პერიოდის განმავლობაში გადამზადდა უნივერსიტეტის 5 აკდემიური პერსონალი ინკლუზიური განათლების, წიგნიერების, რაოდენობრივი წიგნიერებისა და პლატფორმა CK-12-ის მიმართულებით,   ზუგდიდის მუნიციპალიტეტის 44 საბავშვო ბაღის 63 აღმზრდელ-პედაგოგი და 15 საჯარო სკოლის 45 მასწავლებელი (სპეცმასწავლებლები, ქართული ენისა და ლიტერატურისა და  მათემატიკის  მასწავლებლები). პროექტის ფარგლებში  განახლდა არსებული სასწავლო უნივერსიტეტის ბავშვის უფლებათა ცენტრი, ხოლო მერაბ კოსტავას სახელობის ქალაქ ზუგდიდის მეორე საჯარო სკოლაში გაიხსნა და აღიჭურვა ბავშვის უფლებებისა და ინკლუზიური განათლების მხარდამჭერი ცენტრი. პროექტი მხარდაჭერილი იყო განათლებისა და მეცნიერების სამინისტროს, მასწავლებლის პროფესიული განვითარების ეროვნული ცენტრის (მასწავლებლის სახლი) მიერ, ჩართული იყო ადგილობრივი მუნიციპალიტეტის სკოლამდელი განათლების დაწესებულებების გაერთიანება.

    ზსსუ, უნივერსიტეტის მესამე მისიის ფარგლებში, გააგრძელებს მასწავლებელთა და აღმზრდელ-პედაგოგთა პროფესიული განვითარების პროცესის ხელშეწყობას რეგიონში.