18.07.2014 მობილობის პროცესი I– აგვისტოს დაიწყება
განისაზღვრება მობილობის პროცესის ადმინისტრირებასთან დაკავშირებული ვადები
განათლების ხარისხის განვითარების ეროვნული ცენტრის დირექტორის ბრძანებით განისაზღვრა მობილობის პროცესის ადმინისტრირებასთან დაკავშირებული ვადები:
- უმაღლესი საგანმანათლებლო დაწესებულებების მიერ მობილობის წესით ჩასარიცხ სტუდენტთა ადგილების ელექტრონულ პორტალზე რეგისტრაციის ვადა - 2014 წლის 15 ივლისიდან 25 ივლისის ჩათვლით.
- მობილობის წესით ჩასარიცხ პირთა ელექტრონულ პორტალზე რეგისტრაციის ვადა - 2014 წლის პირველი აგვისტოდან 21 აგვისტოს 18:30სთ-მდე.
- მობილობის წესით ჩასარიცხ პირთა განხადებების რეგისტრაციისა და სტუდენტის პირად საქმეში არსებული დოკუმენტაციის ასლების წარმოდგენის ვადა 1 აგვისტოდან 3 სექტემბრის ჩათვლით.
- მობილობის წესით ჩასარიცხ პირთა შესახებ დაწესებულებების სამართლებრივი აქტების პროექტების ცენტრში წარდგენის ვადა - 2014 წლის 26 აგვისტოდან 11 სექტემბრის ჩათვლით.
შოთა მესხიას ზუგდიდის სახელმწიფო სასწავლო უნივერსიტეტში მობილობის წესით ჩარიცხვის მსურველებმა, ელექტრონული რეგისტრაციის გავლის შემდეგ, უნდა წარმოადგინონ შემდეგი დოკუმენტაცია:
- განცხადება შოთა მესხიას ზუგდიდის სახელმწიფო სასწავლო უნივერსიტეტის რექტორის სახელზე,
- სასწავლო ბარათის დამოწმებული ასლი,
- პირადობის დამადასტურებელი დოკუმენტის ქსეროასლი (დედანთან ერთად,)
- ეეგ სერტიფიკატის ქსეროასლი,
- უმაღლეს საგანმანათლებლო დაწესებულებაში ჩარიცხვის, კურსიდან კურსზე გადაყვანის ბრძანებების დამოწმებული ასლები,
- სამხედრო მიწერის მოწმობის ქსეროასლი (ბიჭებისათვის),
- პირად საქმეში არსებული სხვა დოკუმენტაციის ქსეროასლები.
დოკუმენტაციის მიღება იწარმოებს შოთა მესხიას ზუგდიდის სახელმწიფო სასწავლო უნივერსიტეტში 2014 წლის 1 აგვისტოდან 3 სექტემბრის ჩათვლით.
მისამართი: ზუგდიდი, ჯანაშიას 14.
დამატებითი ინფორმაციისათვის დარეკეთ: 591 32-42-42