13 აპრილს შოთა მესხიას ზუგდიდის სახელმწიფო სასწავლო უნივერსიტეტში გაიმართა ინტელექტუალური  თამაში „რა? სად? როდის?“ ზუგდიდის  მუნიციპალიტეტის 37 სკოლას შორის. მონაწილეობა  7–12 კლასის მოსწავლეებმა მიიღეს. შეჯიბრის ფინალური ეტაპი თბილისში გაიმართება.

შოთა მესხიას ზუგდიდის სახელმწიფო სასწავლო უნივერსიტეტსა და პროექტ NEO-ს შორის გაფორმებული ხელშეკრულების საფუძველზე უნივერსიტეტის  პროფესიული მიმართულების ბაზაზე შემდუღებლის კურსები გაიარა 22 სოციალურად დაუცველმა პირმა ზუგდიდისა და წალენჯიხის მუინიციპალიტეტის იმ 16 თემიდან სადაც მუშაობს NEO.

შოთა მესხიას ზუგდიდის სახელმწიფო სასწავლო უნივერსიტეტში 2012 წლის 14 დეკემბერს ჩატარდა ლიტინსტიტუტის ლექსმცოდნეობის მიმართულების მიერ გამოცემული მეხუთე სამეცნიერო სესიის მასალების პრეზენტაცია.

2012 წლის 23 ნოემბერს შოთა მესხიას ზუგდიდის სახელმწიფო სასწავლო უნივერსიტეტის I-II კურსის სტუდენტები და გაეროს განვითარების პროგრამის ფარგლებში არსებული პროფესიული გადამზადების „გიდის“ კურსების მსმენელები უნივერსიტეტის რექტორატისა და გაეროს განვითარების პროგრამის მხარდაჭერით  იმყოფებოდნენ ექსკურსიით ქუთაისში.

17 ნოემბერს შოთა მესხიას ზუგდიდის სახელმწიფო სასწავლო უნივერსიტეტში  სტუდენტთა საერთაშორისო დღესთან დაკავშირებით   სტუდენტური თვითმმართველობის ინიციატივით ლამაზი საღამო გაიმართა: დარბაზში  ქართულ ნაციონალურ ცეკვებს, ქართული სიმღერები და ლექსები ენაცვლებოდა. საღამოს მონაწილეებმა და ორგანიზატორებმა მაყურებელთა აპლოდისმენტებიც დაიმსახურეს.

 25 სექტემბერს ქალაქ მესტიაში სპორტული ფესტივალი საქართველო 2012 –ის ფარგლებში  ჩატარდა ღია პირველობა მკლავჭიდში. შეჯიბრში მონაწილეობდნენ შოთა მესხიას ზუგდიდის სახელმწიფო სასწავლო უნივერსიტეტის სტუდენტები: დათო სამუშია და ბაკურ თოლორაია. 75კგ. წონით კატეგორიაში პირველი  ადგილი დათო სამუშიას ხვდა წილად, ხოლო 90კგ. წონით კატეგორიაში მეორე ადგილი ბაკური თოლორაიამ დაიკავა.

11 ივნისს სასწავლო უნივერსიტეტში სტუდენტური თვითმმართველობის ინიციატივით გაიმართა ინტელექტუალური თამაში რა ? სად? როდის? გამარჯვებული გუნდი დაჯილდოვდა გადამავალი თასით, დიპლომებითა და ფასიანი საჩუქრებით .

    22 მაისს ზუგდიდის რაიონულ სასამართლოში ჩატარდა იმიტირებული სასამართლო პროცესი სისხლის სამართლის საქმეზე „სახელმწიფო დავითის წინააღმდეგ“, რომელშიც მონაწილებდნენ  შოთა მესხიას ზუგდიდის სახელმწიფო სასწავლო უნივერსიტეტის სამართალმცოდნეობის სპეციალობის მე-2, მე-3 და მე-4 კურსის სტუდენტები. პროცესის ჩატარებამ დაადასტურა, რომ სტუდენტებმა წარმატებით გაართვეს თავი ამ ამოცანას.

2012 წლის 15 მაისს შოთა მესხიას ზუგდიდის სახელმწიფო სასწავლო უნივერსიტეტში სტუდენტური დღეების ფარგლებში დაიწყო სტუდენტთა სამეცნიერო კონფერენცია. კონფერენციაში მონაწილეობას ღებულობენ სასწავლო უნივერსიტეტის ჰუმანიტარული, ფარმაციის,  ბიზნესისა და სამართალმცოდნეობის  მიმართულების სტუდენტები. კონფერენცია დაიხურება 23 მაისს. 

30 დეკემბერს  შოთა მესხიას ზუგდიდის სახელმწიფო სასწავლო უნივერსიტეტში სტუდენტური თვითმმართველობის ინიციატივით საახალწლო საღამო გაიმართა.

საღამოში მონაწილეობას სასწავლო უნივერსიტეტის შემოქმედი სტუდენტები ღებულობდნენ.