გილოცავთ! ჩვენი დიდი ოჯახის წევრი გახდით! 

ეტაპი I: რეგისტრაციის გავლა - საზოგადოებრივ მეცნიერებათა და ჯანდაცვის ფაკულტეტი, მესამე სართული - ოთახი 302;
ეტაპი II: ხელშეკრულების გაფორმება;
ეტაპი III: დოკუმენტაციის წარდგენა:

• სრული ზოგადი განათლების დამადასტურებელი დოკუმენტის ნოტარიულად დამოწმებული ასლი;
• პირადობის დამადასტურებელი მოწმობის/პასპორტის ასლი (დედნის წარმოდგენით);
• ორი ცალი ფოტოსურათი (3x4), ელექტრონული ვერსია CD-ზე;
• სამხედრო აღრიცხვაზე ყოფნის დამადასტურებელი დოკუმენტის ასლი (ვაჟებისათვის);
• უცხო ქვეყანაში მიღებული განათლების აღიარების დამადასტურებელი დოკუმენტის ასლი (არსებობის შემთხვევაში);
• არასრულწლოვანი კანდიდატის ნაცვლად, ხელშეკრულების გაფორმებაზე უფლებამოსილია მისი მშობელი, სტუდენტობის კანდიდატის დაბადების მოწმობის და მშობლის პირადობის მოწმობის ასლის საფუძველზე.

ზუგდიდის სახელმწიფო უნივერსიტეტში სწავლის საფასური შეადგენს 2250 ლარს. შესაძლებელია ეტაპობრივად გადახდა: 2,4,6 და 8 ეტაპი.

სახელმწიფო გრანტით  ნაწილობრივი დაფინანსების მქონე სტუდენტებმა სახელმწიფო დაფინანსებასა და სწავლის რეალურ საფასურს შორის სხვაობა უნდა დაფარონ ადმინისტრაციული რეგისტრაციისათვის დადგენილ ვადებში.

სწავლის საფასურის გადახდა შესაძლებელია ნებისმიერ ბანკში, შემდეგ ანგარიშზე:
ბანკის კოდი:TRESGE22
სახაზინო კოდი: 709087289

სწავლის საფასურის გადახდისას სტუდენტმა უნდა მიუთითოს: სახელი, გვარი, პირადი ნომერი, ფაკულტეტი/საგანმანათლებლო პროგრამა რომელზეც სწავლობს. სხვა პირის მიერ სწავლის საფასურის შეტანის შემთხვევაში აუცილებელია მიეთითოს სტუდენტის სახელი გვარი და პირადი ნომერი.

სტუდენტს უფლება აქვს სასწავლო პროცესის დაწყებიდან არაუმეტეს 2 კვირის ვადაში მოითხოვოს ადმინისტრაციული რეგისტრაციის გაუქმება. აღნიშნული ვადის გასვლის შემდეგ იგი კარგავს გადახდილი თანხის დაბრუნების ან მისი მომდევნო სემესტრებში გამოყენების მოთხოვნის უფლებას.

ეტაპი I: რეგისტრაციის გავლა - საზოგადოებრივ მეცნიერებათა და ჯანდაცვის ფაკულტეტი, მესამე სართული - ოთახი 302;
ეტაპი II: სამაგისტრო სასპეციალიზაციო გამოცდაზე გასვლა;

სამაგისტრო სასპეციალიზაციო გამოცდაზე გასვლის წინაპირობაა ინგლისური ენის ცოდნა B2 დონეზე, რისთვისაც აუცილებელია ტესტირების გავლა. ინგლისურ ენაში ტესტირება არ მოეთხოვებათ იმ პირებს, რომლებიც ფლობენ შესაბამის დონეზე ენის ცოდნის დამადასტურებელ სერტიფიკატს (საერთაშორისო ორგანიზაციების მიერ გაცემულს), ან პირველი საფეხურის აკადემიური საგანმანათლებლო პროგრამა გავლილი აქვთ უცხო ენაზე (ინგლისური), ან ფლობენ შოთა მესხიას ზუგდიდის სახელმწიფო სასწავლო უნივერსიტეტის უცხო ენათა შემსწავლელი ცენტრის მიერ გაცემულ B2 (ან უფრო მაღალი) დონის სერტიფიკატს.

ეტაპი III: დოკუმენტაციის წარდგენა:

• ფოტოსურათი (3X4) – ბეჭდური 2 ც. და ელექტრონული ვერსია CD-ზე;
• ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის ნოტარიულად დამოწმებული ასლი (ზსუ კურსდამთავრებულისთვის საკმარისია ფაკულტეტის მიერ გაცემული ცნობა). (დოკუმენტაციის დისტანციურად, ელექტრონული ფორმით წარმოდგენის შემთხვევაში საჭიროა ბაკალავრის ან მასთან გათანაბრებული აკადემიური ხარისხის დამადასტურებელი დიპლომისა და დანართის დასკანერებული ვერსია;   ჩავაბარების წლის კურსდამთავრებულთათვის - ცნობა აკადემიური ხარისხის მინიჭების თაობაზე (ოქმის თარიღის მითითებით));
• პირადობის დამადასტურებელი მოწმობის/პასპორტის ასლი;
• სამხედრო-სააღრიცხვო მოწმობის ასლი (ან სამხედრო ბილეთი, არსებობის შემთხვევაში);
• უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (არსებობის შემთხვევაში);
• სხვა დოკუმენტი, თუ ითვალისწინებს სამაგისტრო პროგრამა.
• დოკუმენტაციის ელექტრონულად წარმოდგენის შემთხვევაში გთხოვთ, ელ-ფოსტის subject ადგილას, მიუთითოთ კანდიდატის სახელი და გვარი, ასევე თითოეული წარმოსადგენი დოკუმენტის (ფაილის) დასახელება ემთხვეოდეს მის შინაარსს, მაგ: *განცხადება, *ფოტოსურათი, *პირადობის დამადასტურებელი მოწმობა, უცხო ქვეყანაში მიღებული განათლების აღიარების დამადასტურებელი დოკუმენტი და ა.შ.

3 ეტაპი: ხელშეკრულების გაფორმება
 

სწავლის საფასურის გადახდა შესაძლებელია ნებისმიერ ბანკში, შემდეგ ანგარიშზე:
ბანკის კოდი:TRESGE22
სახაზინო კოდი: 709087289