შოთა მესხიას ზუგდიდის სახელმწიფო სასწავლო უნივერსიტეტში 2022 წლის 8 ნოემბერს ზუგდიდისა და სენაკის ბაზაზე პროფესიულ საგანმანათლებლო პროგრამებზე 2022 წელს ჩარიცხული პროფესიული სტუდენტებისთვის სასწავლო პროცესი დაიწყო. სტუდენტებს ცხოვრების გზაზე წარმატებული ნაბიჯის გადადგმა მიულოცა უნივერსიტეტის რექტორმა თეონა ხუფენიამ, პროფესიული განათლების განვითარების სამსახურის უფროსმა მანანა სამუშიამ და პროფესიული პროგრამების განყოფილების უფროსმა მანანა ჭანტურიამ. სტუდენტებს ასევე შეხვდნენ პროფესიული საგანმანანათლებლო პროგრამების ხელმძღვანელები, პროფესიული განათლების მასწავლებლები და ადმინისტრაცია. მათ სტუდენტებს მიულოცეს სასწავლო წლის დაწყება , გააცნეს უნივერსიტეტის მისია, ხედვა და ღირებულებები, შეფასების ფორმები და მეთოდები, უფლებები, მოვალეობები, სტუდენტური ცხოვრება და შინაგანაწესი. სტუდენტებს ყველა სიტყვით გამომსვლელმა უსურვა შემდეგი და უამრავი წარმატებული წელი მათ ცხოვრებაში.
