2018 წლის 23 მარტს შოთა მესხიას ზუგდიდის სახელმწიფო სასწავლო უნივერსიტეტში გაიმართა ,,ბეჭდური და ონლაინ გამოცემების რეპორტიორის“ პროფესიული პროგრამის, სტუდენტების პრაქტიკული პროექტებისა და საწარმოო პრაქტიკის შედეგების საჯარო პრეზენტაცია. თითოეულმა პროფესიულმა სტუდენტმა პრაქტიკული პროექტის ფარგლებში მოამზადა მულტიმედია პროდუქტი და ატვირთა ბლოგზე/სოციალურ ქსელში. საწარმოო პრაქტიკის გავლა კი დადასტურდა ფოტოკოლაჟით. პროფესიულმა სტუდენტებმა ასევე წარმოადგინეს ვიდეოპროდუქტი ,,კადრებით მოყოლილი ისტორია“. პრაქტიკული პროექტის შედეგები და საწარმოო პრაქტიკა პროფესიული პროგრამების სტუდენტებმა გაიარეს გაზეთ ,,ზუგდიდის" რედაქციასა და ,,ტელე-რადიო კომპანია ოდიშში", ჟურნალისტების ნანი მოსიძისა და ნანა ქობალიას ხელმძღვანელობით. პრეზენტაციას დაესწრნენ სასწავლო უნივერსიტეტის რექტორი, ადმინისტრაციისა და პრაქტიკის ობიექტებიდან სასწავლო პრაქტიკის განხორციელებაში მოხალისედ ჩართული თანამშრომლები.