პირველ აპრილს შოთა მესხიას ზუგდიდის სახელმწიფო სასწავლო უნივერსიტეტის პროფესიული განათლების განვითარების სამსახურის ბაზაზე ახალგაზრდული მუშაკის სასერტიფიკატო პროგრამის ფარგლებში ,,მესხიაუნის ახალგაზრდულმა კლუბმა“ განახორციელა მორიგი აქტივობა. კულტურულ-საგანმანათლებლო ჯგუფის მიერ დაიგეგმა სასწავლო ვიზიტი თიხის სახელოსნო ,,ორკოლ სტუდიაში“, სადაც ახალგაზრდებს მიეცათ საშუალება გაცნობოდნენ და ენახათ თიხის მხატვრული დამუშავების პროცესი. ახალგაზრდული კლუბი აგრძელებს მუშაობას მომავალი აქტივობების განსახორციელებლად.