უნივერსიტეტში ერასმუს+ საერთაშორისო გაცვლითი პროგრამის ფარგლებში დაიწყო თანამშრომლობა კაუნასის ტექნოლოგიების განათლების ცენტრთან, თანამშრომლობა ითვალისწინებს უმაღლესი და პროფესიული საგანმანათლებლო პროგრამების სტუდენტთა და პერსონალის მობილობასა და ინსტიტუციური შესაძლებლობების გაძლიერებას.

გაცვლითი პროგრამის პირველ ეტაპზე 2023 წლის იანვარ-თებერვალში ზუგდიდის სახელმწიფო უნივერსიტეტი მიიღებს 2 პროფესიულ მასწავლებელსა და 2 სტუდენტს. მობილობის ფარგლებში გაცვლითი მასწავლებლები და სტუდენტები ჩაერთვებიან სასწავლო პროცესში. უნივერსიტეტსა და ზუგდიდის ტექნოპარკს შორის თანამშრომლობის ფარგლებში სტუდენტებს ექნებათ შესაძლებლობა პრაქტიკული კომპონენტი გაიარონ ტექნოპარკის ლაბორტორიებში.

აღნიშნული აქტივობა ხორციელდება უნივერსიტეტის ინტერნაციონალიზაციის სტრატეგიის ფარგლებში. ამავე სტრატეგიის შესაბამისად, მომზადებულია ,,ინფორმაციული ტექნოლოგიების„ საბაკალავრო და ,, ციფრული მედიის“ სამაგისტრო საგანმანათლებლო პროგრამები.

უნივერსიტეტში ერასმუს + საერთაშორისო გაცვლითი პროგრამის ფარგლებში ვიზიტით იმყოფებოდნენ კაუნასის ტექნოლოგიების განათლების ცენტრის წარმომადგენლები: ტომას პაულიუსი- რექტორის მოადგილე და არუნას მაინონისი - ბიზნესის ადმინისტრირების ფაკულტეტის დეკანი.