გაეროს ბავშვთა ფონდის წარმომადგენელი საქართველოში, ღასან ხალილი ახალციხეში, სამცხე-ჯავახეთის სახელმწიფო უნივერსიტეტის, გორის სახელმწიფო უნივერსიტეტი - Gori State University-ისა და შოთა მესხიას ზუგდიდის სახელმწიფო სასწავლო უნივერსიტეტის პედაგოგებს შეხვდა და მიმოიხილა ამ უნივერსიტეტების ბავშვის უფლებათა ცენტრების მიერ ჩატარებული აქტივობები. გაიმართა დისკუსია ცენტრების განვითარებისა და მდგრადობის სტრატეგიის შესახებ.

ბავშვის უფლებათა ცენტრები ნორვეგიის მთავრობის მხარდაჭერით დაარსდა და ბავშვთა უფლებების შესახებ მნიშვნელოვან ცოდნას აწვდიან პედაგოგებს, აკადემიისა და სამოქალაქო საზოგადოების წარმომადგენლებს, მშობლებსა და ბავშვებს.