უნივერსიტეტს, USAID საბაზისო განათლების პროგრამის და უნივერსიტეტის ქართულ-აფხაზურ ურთიერთობათა ცენტრის აქტივობების ფარგლებში აფხაზეთის N1 საჯარო სკოლის მოსწავლეები ესტუმრნენ.
შოთა მესხიას ზუგდიდის სახელმწიფო სასწავლო უნივერსიტეტს, USAID საბაზისო განათლების პროგრამის და უნივერსიტეტის ქართულ-აფხაზურ ურთიერთობათა ცენტრის აქტივობების ფარგლებში ესტუმრნენ აფხაზეთის N1 საჯარო სკოლის მოსწავლეები. შეხვედრაზე შედგა დიალოგი ლიტერატურის არსის, მხატვრული სიტყვის მნიშვნელობის შესახებ.
აუდიტორიას ონლაინ ესაუბრა მწერალი გურამ ოდიშარია, მან მსმენელებს გააცნო „ლიტერატურული ხიდის“ რეალური ფაქტები; აფხაზი მწერლის დაურ ნაჭყებიასა და თვით გურამ ოდიაშარიას ნაწარმოებების გაცვლითი თარგმნების შესახებ (აფხაზური ქართულად და ქართული-აფხაზურად.) ეს წიგნები ითარგმნა იტალიურადაც და უკვე გამოიცა; გურამ ოდიშარიას „პრეზიდენტის კატა“ და დაურ ნაჭყებიას „ღამის ნაპირი“. შეხვედრაზე მკითხველის ფერომენსა და სიტყვის ძალაზე სახალხო დიპლომატიაში აზრი გამოთქვეს მოსწავლებლებმა, მათმა მასწავლებლემა ნანა დარასელიამ და ინგა ჯგუშიამ.
დასკვნით ნაწილში უნივერსიტეტის რექტორმა ხაზი გაუსვა განათლების, წიგნიერების მნიშვნელობას, უნივერსიტეტის მისიას რეგიონში; ახალგაზრდებს უთხრა, რომ ეს შეხვედრა დასაწყისია და უნივერსიტეტი აგრძელებს მათთან მეგობრობას წიგნიერების, ღირებულებების, ომით დანგრეულის (აფზახებთან ურთიერთობა) სიყვარულით გადარჩენის მიზნით.
