შეხვედრაზე, უნივერსიტეტის რექტორმა თეონა ხუფენიამ, დელეგაციის ხელმძღვანელს, პარლამენტის ფედერალური საბჭოს პრეზიდენტს კლაუდია არპას მადლობა გადაუხადა სტუმრობისთვის და იმ მხარდაჭერისთვის, რომელსაც საქართველოს მიმართ გამოხატავენ.

თეონა ხუფენიამ სტუმრებს უნივერსიტეტის სამუშაო სპეციფიკა და საერთაშორისო პროგრამები გააცნო.

მისივე ინფორმაციით, უნივერსიტეტი თანამშრომლობს 22 პარტნიორ ქვეყანასთან, ჰყავს 17 გაცვლითი პროფესორი და 30-ზე მეტი ერასმუსელი.

პარლამენტის ფედერალური საბჭოს პრეზიდენტმა ვიზიტის მნიშვნელობაზე ისაუბრა და აღნიშნა რომ, საქართველოს მთავრობა და ქართველი ხალხი მოწოდებულია გახდეს ევროკავშირის სრულუფლებიანი წევრი.

შეხვედრას ზუგდიდის მერის პირველი მოადგილე კონსტანტინე კაკავა ესწრებოდა. მერის პირველმა მოადგილემ კიდევ ერთხელ გამოხატა დელეგაციის მიმართ მადლიერება. ასევე, ისაუბრა უნივერსიტეტის როლზე ქვეყნისთვის, განსაკუთრებით კი რეგიონისთვის.

შეხვედრის დასასრულს კონსტანტინე კაკავამ მადლობა გადაუხადა სტუდენტებს და საუნივერსიტეტო საზოგადოებას, მდგრადი და სანდო პარტნიორობისთვის.

ვიზიტი სამი დღის განმავლობაში გრძელდებოდა და დღეს დასრულდა.

დელეგაციასთან ერთად, ზუგდიდში ავსტრიის ელჩი საქართველოში თომას მიულმანი იმყოფებოდა.