საერთაშორისო სამეცნიერო-პრაქტიკული კონფერენცია „მეცნიერული მიღწევები ვეტერინარიის დარგის მდგრადი და უსაფრთხო განვითარებისათვის (AVET)“.

კონფერენციის მიზანია ხელი შეუწყოს ვეტერინარიის მიმართულებით სამეცნიერო-პრაქტიკული საქმიანობის განვითარებას საქართველოში. კონფერენცია ემსახურება ადგილობრივ და საერთაშორისო დონეზე მოღვაწე მეცნიერების, აკადემიური პერსონალის, გამოცდილი და დამწყები მკვლევრების სამეცნიერო-პრაქტიკული საქმიანობის წარმოჩენას ფართო აუდიტორიის წინაშე, მათ გაერთიანებას საკუთარი გამოცდილებისა და კვლევის შედეგების გაცვლისა და გაზიარებისათვის.

კონფერენციის თემები

• წვრილფეხა ცხოველების მედიცინა;
• მსხვილფეხა ცხოველის მედიცინა;
• ვეტერინარული საზოგადოებრივი ჯანდაცვა და საკვების ჰიგიენა;
• ცხოველური წარმოშობის სურსათის ჰიგიენა და უსაფრთხოება;
• კლინიკური პათოლოგია, ონკოლოგია, მორფოლოგია;
• ინფექციური დაავადებები, ეპიდემიოლოგია და საზოგადოებრივი ჯანდაცვა;
• არაგადამდები დაავადებები (დიაგნოსტიკა, თერაპია, პროფილაქტიკა);
• მეცხოველეობის მეცნიერებები (ცხოველთა კვება, ცხოველთა ჰიგიენა და კეთილდღეობა, გენეტიკა – მომშენებლობა);
• ვეტერინარული განათლება, სწავლა-სწავლება.

კონფერენცია გაიმართება ჰიბრიდულ ფორმატში.

კონფერენციაში მონაწილეობა უფასოა.

ვადები

აბსტრაქტების მიღების ბოლო ვადა: 2024 წლის 29 თებერვალი

აბსტრაქტების შეფასების გაზიარების ვადა: 2024 წლის 31 მარტი

კონფერენციის ჩატარების თარიღი: 2024 წლის 26 აპრილი

სრული სტატიების მიღების ბოლო ვადა: 2024 წლის 26 მაისი

კონფერენციაზე რეგისტრაცია

კონფერენციაში მომხსენებლად მონაწილეობის მსურველებმა აბსტრაქტები უნდა გამოაგზავნონ შემდეგ ელ. ფოსტაზე: avetconference@eu.edu.ge

კონფერენციაზე მსმენელად დასწრების მსურველებმა უნდა შეავსონ სარეგისტრაციო ფორმა მოცემულ ბმულზე: https://forms.gle/11EctmRuMR772iQ5A

ყველა მომხსენებელი და მსმენელი დაჯილდოვდება შესაბამისი სერტიფიკატით.

დამატებითი ინფორმაციისთვის ეწვიეთ ბმულს: https://bit.ly/3MKSpDP