შოთა მესხიას ზუგდიდის სახელმწიფო სასწავლო უნივერსიტეტში სტუდენტური დღეები - 2024"- ის ფარგლებში ზსსუ სამეცნიერო სამსახურისა და ახალგაზრდული კლუბის “ოქროს საწმისის” ორგანიზებით 16 აპრილს,   გაიმართა სტუდენტთა მეთხუთმეტე სამეცნიერო კონფერენცია.

კონფერენცია ორ სესიად ჩატარდა. მონაწილეობას ღებულობდნენ ქართული და ინგლისური ფილოლოგიის, ისტორიის, საჯარო მმართველობის, ფარმაციის, სამართლისა და დაწყებითი განათლების სპეციალობის  სტუდენტები. სხდომას უძღვებოდა სტუდენტი თინათინ ნაჭყებია.  

კონფერენციაზე წარმოდგენილი იყო თორმეტი მოხსენება, რომლებიც გამოირჩეოდა თემატიკის აქტუალობით, ორიგინალობით. სტუდენტებმა გამოავლინეს შემოქმედებითი და კვლევითი უნარები. თითოეულ მოხსენებას მოჰყვა შეკითხვები და დისკუსია, რაც იყო დასტური, რომ მოხსენებებმა დამსწრე აუდიტორიის დიდი ინტერესი გამოიწვია.