2024 წლის 7 ივნისს, „ჰორიზონტი ევროპა“ საქართველოს ეროვნული ოფისის ორგანიზებით, ევროკავშირის კვლევისა და ინოვაციის ჩარჩო პროგრამის “ჰორიზონტი ევროპა” მესამე სვეტის ქვეშ მოცემული ევროპის ინოვაციებისა და ტექნოლოგიების ინსტიტუტის (EIT) საინფორმაციო დღე გაიმართა, რომელიც მიეძღვნა ევროპის ინოვაციების უდიდესი პარტნიორული ქსელის მიერ გამოცხადებული კონკურსების მიმოხილვას ბიზნესის, კვლევისა და უმაღლესი განათლების სფეროს ინოვაციების კომერციალიზაციის მიმართულებით.

განხილულ იქნა EIT Community შესაძლებლობები, რომელიც ასწავლის და ამზადებს მომავალ თაობას და ფოკუსირებულია კრეატიულობაზე, ლიდერობასა და ინოვაციური უნარების შეძენაზე. EIT Campus აქტივობები კი მოიცავს სამაგისტრო, სადოქტორო და პოსტსადოქტორო პროგრამებს, ონლაინ და პროფესიულ კურსებს, ასევე შესაძლებლობებს უმაღლესი საგანმანათლებლო დაწესებულებებისთვის.

EIT Online Campus 25 ენაზე შექმნილ 238 კურსს გთავაზობთ 133 პარტნიორისგან. კურსები ფოკუსირებულია კლიმატის, საკვების, ჯანდაცვის, კულტურისა და კრეატიულობის, ურბანული მობილობის, ნედლეულის, დიგიტალიზაციის, წარმოებისა და ენერგიის სფეროებზე.

ონლაინ კურსებით დაინტერესებულ სტუდენტებსა და აკადემიურ პერსონალს დამატებითი ინფორმაციის მისაღებად შეუძლია დაუკავშირდეს “ჰორიზონტი ევროპა” საუნივერსიტეტო საგრანტო ოფისს.

horizongrantoffice@zssu.edu.ge