სტუდფესტი 2024“-ის ფარგლებში ახალგაზრდობის სააგენტოს მიერ ორგანიზებულ მოხალისეობის კონკურსში გამარჯვებული გუნდი, გერმანიაში, ქალაქ მაგდებურგის ახალგაზრდულ ცენტრში იმყოფებოდა.

სასწავლო ვიზიტის ფარგლებში, სტუდენტები გაეცნენ მოხალისეობის კულტურასა და ახალგაზრდული ცენტრების საქმიანობას გერმანიაში. აგრეთვე, ეწვივნენ მაგდებურგის მოხალისეობრივ სააგენტოს, სადაც მასპინძლებმა ახალგაზრდებს თავიანთი გამოცდილება გაუზიარეს.

 სტუდენტები შეხვდნენ ევროპის სოლიდარობის კორპუსის მოხალისეებს და მონაწილეობა მიიღეს ერთობლივ კულტურულ-შემეცნებით აქტივობებში. ასევე ქართველი ახალგაზრდებისთვის მოეწყო ექსკურსიები, რომლის ფარგლებშიც, მოინახულეს მაგდებურგის და ბერლინის ისტორიული ძეგლები.

 ინფორმაციისთვის: „სტუდფესტი 2024“-ის მოხალისეობის კომპონენტის ფარგლებში, მონაწილე უნივერსიტეტის გუნდებმა განახორციელეს მოხალისეობრივი პროექტები. გამარჯვებული გუნდი კი შოთა მესხიას ზუგდიდის სახელმწიფო სასწავლო უნივერსიტეტის სტუდენტები გახდნენ. მათ განახორციელეს პროექტი - „შეიფარე, შეიყვარე, დაიცავი“. ახალგაზრდებმა მიუსაფარი ცხოველებისთვის სახლები დადგეს. პროექტის მიზანი - მიუსაფარი ცხოველების პრობლემების მოგვარება და ისეთი ღონისძიებების ჩატარება, რაც ხელს შეუწყობს ზუგდიდში თავშესაფრის აშენებას.