ზუგდიდის სახელმწიფო უნივერსიტეტის ახალგაზრდული კლუბის"ოქროს საწმისის" წევრებმა უმასპინძლეს აკაკი წერეთლის სახელმწიფო უნივერსიტეტის, ექვთიმე თაყაიშვილის სახელობის სტუდენტთა საისტორიო საზოგადოების წევრებს.

სტუდენტებს ჩაუტარდათ ზუგდიდის სახელმწიფო უნივერსიტეტის მოწვეული პროფესორის ელისო ბაღათურია-კნერის საჯარო ლექცია თემაზე: "ორი მეომრის ისტორია აბშილეთიდან: აბშილი თუ ჩხოროწყუელი?", რომელიც ეხებოდა არქეოლოგიურ შემთხვევაზე აგებულ რეგიონალური გადაადგილებების ისტორიას გვიანრომაულ კოლხეთში.

დღის ბოლოს სტუდენტებმა ხელმძღვანელ პროფესორებთან ერთად დაათვალიერეს ისტორიული ციხე-ქალაქი ნოქალაქევი.

პროექტი განხორციელდა უნივერსიტეტებში დაფუძნებულ სტუდენტურ კლუბებს შორის ურთიერთთანამშრომლობის მემორანდუმის ფარგლებში.