სტუდენტთა საისტორიო საზოგადოების ინიციატივით გაიმართა სტუდენტთა რესპუბლიკური კონფერენცია.
29 მაისს აკაკი წერეთლის სახელმწიფო უნივერსიტეტში ექვთიმე თაყაიშვილის სახელობის სტუდენტთა საისტორიო საზოგადოების ინიციატივით გაიმართა სტუდენტთა რესპუბლიკური კონფერენცია.
კონფერენცია მიეძღვნა აკადემიკოს ოთარ ლორთქიფანიძის დაბადებიდან 95-ე წლისთავს.
კონფერენციას მიესალმნენ რექტორის მოადგილე ეკატერინე გაჩეჩილაძე, ეროვნული მუზეუმის დირექტორი დავით ლორთქიფანიძე, უნივერსიტეტის, ჰუმანიტარულ მეცნიერებათა ფაკულტეტის დეკანი სულხან კუპრაშვილი, ისტორია-არქეოლოგიის დეპარტამენტის ხელმძღვანელი ომარ ნიშნიანიძე, არქოლოგიის მიმართულების ხელმძღვანელი მერაბ ჭუმბურიძე.
კონფერენციაში აკაკი წერეთლის სახელმწიფო უნივერსიტეტის სტუდენტებთან ერთად მონაწილეობდნენ შოთა მესხიას ზუგდიდის სახელმწიფო უნივერსიტეტისა და საქართველოს უნივერსიტეტის სტუდენტები.
