22 მაისს ზუგდიდის რაიონულ სასამართლოში ჩატარდა იმიტირებული სასამართლო პროცესი სისხლის სამართლის საქმეზე „სახელმწიფო დავითის წინააღმდეგ“, რომელშიც მონაწილებდნენ  შოთა მესხიას ზუგდიდის სახელმწიფო სასწავლო უნივერსიტეტის სამართალმცოდნეობის სპეციალობის მე-2, მე-3 და მე-4 კურსის სტუდენტები. პროცესის ჩატარებამ დაადასტურა, რომ სტუდენტებმა წარმატებით გაართვეს თავი ამ ამოცანას.

2012 წლის 15 მაისს შოთა მესხიას ზუგდიდის სახელმწიფო სასწავლო უნივერსიტეტში სტუდენტური დღეების ფარგლებში დაიწყო სტუდენტთა სამეცნიერო კონფერენცია. კონფერენციაში მონაწილეობას ღებულობენ სასწავლო უნივერსიტეტის ჰუმანიტარული, ფარმაციის,  ბიზნესისა და სამართალმცოდნეობის  მიმართულების სტუდენტები. კონფერენცია დაიხურება 23 მაისს. 

30 დეკემბერს  შოთა მესხიას ზუგდიდის სახელმწიფო სასწავლო უნივერსიტეტში სტუდენტური თვითმმართველობის ინიციატივით საახალწლო საღამო გაიმართა.

საღამოში მონაწილეობას სასწავლო უნივერსიტეტის შემოქმედი სტუდენტები ღებულობდნენ.

    2 დეკემბერს სსიპ შოთა მესხიას ზუგდიდის სახელმწიფო სასწავლო უნივერსიტეტში ევროკავშირის მისიის ზუგდიდის საველე ოფისის დამკვირვებლებმა  საინტერესო შეხვედრა გაიმართეს  სტუდენტებთან.  მისიის შვედეთის წარმომადგენელმა ისაუბრა შვედეთის ეკონომიკურ განვითარებაზე,  კულტურასა და განათლების სისტემაზე. ლექციის დასასრულს მათ უპასუხეს სტუდენტების კითხვებს. 

    28 ნოემბერს შოთა მესხიას  ზუგდიდის  სახელმწიფო სასწავლო უნივერსიტეტში ჩატარდა  ერთდღიანი ტრენინგი თემაზე  „ქრონიკული  C ჰეპატიტი“ .  ტრენინგი მოაწყო ახალგაზრდა ექიმთა და ფსიქოლოგთა ასოციაცია „ქსენონმა“.  თემის ფარგლებში ისაუბრეს C ჰეპატიტის ეპიდემიოლოგიაზე მსოფლიოსა და საქართველოში, C ჰეპატიტის  გენოტიპებზე, პათოგენეზსა და  გადაცემის გზებზე.

       7 ნოემბრიდან 10 ნოემბრის ჩათვლით შოთა მესხიას ზუგდიდის  სახელმწიფო  სასწავლო უნივერსიტეტში პროფესიული  საგანმანათლებლო პროგრამების მასწავლებელთათვის მოეწყო ტრენინგის მეორე ეტაპი  „პროფესიულ უნარ–ჩვევებში“.  თემა : პედაგოგიური უნარები და ინკლუზიური განათლება.

    სასწავლო უნივერსიტეტში სტუდენტური თვითმმართველობის  ინიციატივით მოეწყო იუმორის საღამო, რომელშიც მონაწილეობდნენ  სასწავლო უნივერსიტეტის მხიარულთა და საზრიანთა კლუბის წევრები. საღამო მიეძღვნა ახალი სასწავლო  წლის დაწყებას.

20 ოქტომბერს შოთა მესხიას ზუგდიდის სახელმწიფო სასწავლო უნივერსიტეტში ჩატარდა საქართველოს უმაღლესი სასწავლებლების ბაკალავრებისა და მაგისტრანტებისათვის  მე–2 სტუდენტური ოლიმპიადა ეკონომიკის სფეროში. შესარჩევი ტური ერთდროულად მიმდინარეობდა საქართველოს რამდენიმე ქალაქში. ოლიმპიადაში მონაწილეობას ღებულობდნენ ჩვენი უნივერსიტეტის სტუდენტებიც.

შოთა მესხიას ზუგდიდის სახელმწიფო სასწავლო უნივერსიტეტის  მხიარულთა და საზრიანთა გუნდი „წიე“ ემზადება   საქართველოს მხიარულთა და საზრიანთა ეროვნული ფედერაციის მიერ ორგანიზებულ პროექტში  მონაწილეობის მისაღებად, რომელიც გადაიცემა ტელეკომპანია „იმედის“ არხზე.

 29 ივლისს შოთა მესხიას ზუგდიდის სახელმწიფო სასწავლო უნივერსიტეტის  პროფესიული გადამზადების პროგრამის სარესტორნო საქმის სპეციალობის სტუდენტები რექტორატის და გაეროს განვითარების პროგამის მხარდაჭერით ეწვივნენ სენაკის ბავშვთა სახლს და გაუმასპინძლდნენ მათ სხვადასხვა სახის კერძებით. სასწავლებელი მსგავსი საქველმოქმედო აქციების ჩატარებას მომავალშიც გეგმავს.